D’Fottene und d’Fottilegände brichte dervo:

1     d’Yladig 
2     So sötti das bym Maidanze in Rynach usgseh (ych kumm no druff zrugg)
3     Wie jedes Johr mache dr Köbi und dr Jakob vom Alphornduo Surbaum dr Ufftakt
4+5  Dr Fahneträger mit de zwei Ehredame, dr Jodlerclub Rynach und dr Volksdanzkreis Rynach marschiere uff em Ernst Feigenwinter-Platz y, wo…
6     …d’Musikante vo dr Ödeburger Holzmusig scho flyssig am schpile sin.
7     d’Beiz wird gfüehrt vo der Buurezunft Rynach. S’Publikum wird yglade by dr Polonaise mitzmache.
8     d’Andrea als Wägwyser (rächts isch ebe für die Danzende links und links isch rächts – das isch d’Uuseforderig by däm Job!)
9+10  Es beschtätigt sich wieder emoll: wär laufe ka, dä ka au danze!
11    Dr Jodlerclub singt unter anderem so Evergreen wie „Dini Seel ä chli la bambälä la“ oder „Däheim“
12    Bi de Jodler het’s ganz e jungi  Nochwuchssängerin, wo bim Lied mit dr Seel alli die gschtandene Sänger problemlos übertönt mit ihrem kräftige und dütlige Mitsinge
13-16 Dr Volksdanzkreis Rynach het folgendi Dänz danzt: Galop Ursin, la Fiorentina, e chli altmodisch, en allant aux châtaignes, Verzaschina, usserdäm mittem Publikum d’Polonaise und der Jiffy Mixer. Und natürlig …
17+18 …dr Bänderdanz. Abgseh vom küehle und bedeggte Wätter gseht das doch fascht so us wie uffem zweite (em gmoolte) Bild – oder nit?
    
Karin Geitz
Fotti Franz Sprecher und Andrea Weber