Am 3. Septämber sin mir vom Trachteverein zum Usflug gstartet.
Dr Chauffeur Sepp vo de Heidi Reise het 40 Nase erwartet.
Dur e Kanton Jura sin mir ohni Stau gfahre -
so het me sich viel Aerger chönne spare!

Uf schmale Strössli und änge Kurve goht's uf dr Bözingebärg.
Bi Kaffi und Gipfeli gniesst me d'Ussicht und chunnt sich vor wie e Zwärg.
Absits vo dr Autobahn gsehn mir bi Sunneschyn e Stück Schwyz -
me isch froh, dass es nümm isch sone Affehitz!

Uf eme Raschtplatz stöhn Tisch us Stei -
s'isch guet, dass Fläsche und Knabbereie für dr Apero gnueg Platz hei!

Scho isch Zyt für e wytere Event -
in Gruyères me dur e Chäserei rennt.
Do isch denn s'Hotel de Ville no unser Ziel.
Me cha Fondue ässe oder Fleisch - was me lieber will.

Als krönende Abschluss bsueche mir in Broc e Schoggi-Fabrik -
d'Versuecherli bim Cailler mache jo schynt’s nit dick!

Churz gseit und brocht uf ei Nenner
dr Usflug isch gsi e Renner!

De Organisatore und em Chauffeur härzliche Dank für die schöne Stunde -
mir hän dr Usflug ganz toll gfunde!

Roswitha Kathrein