Die Mitglieder der TG Sissach haben wieder über 1000 Eier in Ostereier verwandelt.

Do frogsch di scho, het eus öpper es Ei gleit?
an dr Oschtere isch tatsächlich alls verschneit.
D’Trachtegruppe hett sich scho am Gründonnschtig gfrogt,
isch dr Oschtereierverkauf bi dere Chälti nid äs bizli gwogt?

Aber nei, de beliebti Bruch bliibt in jedem Fall bestoh,
und eusi Kundschaft isch trotz S…wätter zahlrich cho!
Gsichtet hei mir der höchsti Trachtema vom Baselland
begleitet von siner Frau, beehrt er euse Oschterstand.

Wie immer hett sich eusi Chundschaft a de verzierte Eier gfreut,
und sie hei tüchtig zugriffe, niemer hetts do öppe greut!
Do bliibt au eusi Luune  guet und es wird nit umegmotzt,
fest vermummt hei mir däm chalte Regewetter trotzt.

D Trachtegruppe Sissech isch einisch me bi de Lüt,
alli si sich einig, schön dass es de Bruuch no git.
Do chame numme no allne wo mitgmacht hei Danke säge,
und vergässet nit d Sunne chunnt wider nach em Räge!

MaHa