Uf Yaadig vom Kantonalschützeverband Baselland begleite 8 Trachtepaar und 1 Trachtemeitli (jedi Grubbe het 1 Paar dörfe delegiere) zämme mit de Banndaagsschütze Lieschtel und der Schtadtmusig Laufe ame heisse Summersunntig d Baselbieter Schütze an grosse Feschtumzug vom Eidgenössische Schützefescht in Visp. Mit derbi au d Schpitze vo unserer Regierig und unserem Parlamänt, Sabine Pegoraro (abträtendi Regierigspräsidäntin), Anton Lauber (zuekünftige Regierigspräsidänt), Myrtha Stohler (abträtendi Landrootspräsidäntin) und Franz Meyer (zuekünftige Landrootspräsidänt). Sälbverschtändlig het au s Verteile vo Kirisi, gliifert vom Ueli Siegental, nit dörfe fehle. Zum Abschluss vo däm schweisstriibende Daag sin denn no Alli zum Nachtässe in der Schtadtmühli z Lieschtel yglaade gsi.

SB
Bilder: Werner Näf