Wiederum hat die TG Sissach über 1000 Eier gefärbt und am Gründonnerstag in der Begegnungszone in Sissach verkauft.

Über tuusig wissi Eier si am warte
uf früschi Gräsli us im Garte,
über achtzig Händ tüe die Eier ibinde,
bevor si im heisse Sud verschwinde.

Uuse chömme si farbig verziert, o die Pracht
denn wärde si mit Späckschwarte glänzig gmacht,
si si für e Gründonnschtig zum Verchaufe parat,
jo e mängs isch zum Ässe fascht z’schad!

Stand ufstelle, Eier ane biige und schön schmücke
alles stimmt und d’Sunne loht si au gli lo blicke,
d’Chunde leu eus nid im Stiich si eus treu
und läse Eier wo ihne gfalle us em Heu.

Ume Mittag umme hei alli Eier es Näst gfunde
eus hett‘s gfalle härzliche Dank an d’Chunde,
schnell si si vorbii die Oschtertage
und d‘Eier wahrschinlich alli scho ime Mage.

MaHa

Fotos: Hanspeter Misteli, Marianne Hauswirth