S’isch guet, s’isch toll – d’Trachtegruppe Prattele hett „d’Stube voll“.

Am 19. Novämber hei d’Trachtelüt z’Prattele wieder e gmüetlichi und fröhlichi „Stubete“ dure gfüehrt, mit em Chreezechörli Prattele, em Chinderchörli Rägeboga und dr Alphorngruppe Lueg is Land. Zwische Singe und Tanze hett me sich mit Röschti, Würscht, Spiegeleier, Späck und Brot lo verwöhne und derzue no öppe es Gleesli guete Wy. Die flotti Husmusig us Effige hett au no für e gueti Stimmig gsorgt. Vom spezielle Chuechestand cha me nur no träume und au däm Chüechliduft, wo dr ganz Obe dure Saal zoge isch.

Wär do nit derbi gsi isch, hett wirklich öppis verpasst. Aber dänket dra, in zwei Johr isch denn wieder „STUBETE IN PRATTELE“.

Marianne Widmer
Fotos Paul Mosimann