Über tausend Eier wurden von der TG gefärbt und am Gründonnerstag an zwei verschiedenen Standorten in der Begegnungszone in Sissach verkauft.

Vor dr Oschtere gits bi dr Trachtegruppe Sissach no öppis z’tue,
bevor nit über tuusig Eier verziert und gfärbt si gits kei Rueh.

Deheime oder i dr Schuelchuchi dört wo gfärbt wird isch es heiters  Triibe,
mit Chrütli, Strümpf ,  Ziebeleschale und nit vergässe mit Späckschwarte iriibe.

Am Gründonnschtig ischs sowit die chline Kunstwärk chömme under d’Lüt,
dass nit so fründlig Wätter isch vo dem merkt me bi dr guete Chundschaft nüt.

Au für das Johr isch dr Osterhas meh als zfriede und froh,
Dankeschön an alli mir hoffe de Bruch bliib no lang bestoh!

MaHa