Die TG Sissach hat wiederum für 1000 Ostereier, die von den Mitglieder dekoriert wurden, ein Nestli gefunden.

Dr Oschterhas de macht  au e Lätsch
s’isch wäg dr Oschtere und im Eiertätsch.
Am Gründonnschtig hett er no nüt binenand
und Trachtegruppe hett scho e Oschtereierstand!

Was für schöni Eier tüe sie do präsentiere
die kenne sich us bim färbe und verziere.
D‘ Lüt chöme, freue sich und mache Kompliment
sie sueche die Schönschte us und chaufe si am End.

Sogar g‘ritzti Eier chasch fürs Nestli chaufe
trotz Chälti tuet niemer nume durelaufe.
Denn e Ma zeigt wie das mit em Ritze goht
glunge si die wysse Blüemli uf dunkelrot.

D’Uswahl wird immer gringer am Stand
bald wächslet s‘letzti Oschterei d’Hand.
Für d’Trachtegruppe isch es guet g’lofe und scho vorbi
jetz warte alli no uf e Oschterhas, dä wird bald noche si.

An Oschtere machte keine meh e Lätsch
denn git’s für alli e fröhliche Eiertätsch.

MaHa

Fotos: Hanspeter Misteli, Marianne Hauswirth